SoSkliTo
 عدد الرسائل : 168
العمر : 38
تاريخ التسجيل : 05/08/2008
 |  موضوع: العيادة مغلقة لضرب الطبيب  السبت أغسطس 23, 2008 2:34 pm | |
| العيادة مغلقة لضرب الطبيب
افتكر صباحي دا لو مر عليه عصور
كل الناس -المفروض-بتقوم في الصبح علي نور
و انا اللي قمت علي خدوش و كسور
واقف في عياده دكتور عظام و زحام شديد
كله زي حلاتي مستني الدور
دخلت للدكتور سألني فيه ايه
قلت له يا دكتور سيبني في اللي انا فيه
قاللي انا التمرجي...بس المدام ضربتك ليه؟
لقيت نفسي بحكي له
"صحيت الصبح بمد ايدي في جيبي
مصروفي مش لاقيه
و المدام جت تقول لي
رمضان داخل يا بيه
قلت لها :طب اهلا اهي حلت البركات
قالت لي:طب فين الياميش و المكسرات؟؟؟
و طول اول اسبوع عزومات
و هات هات هات
لحد ما خلصت الماهيه من المصروفات
و لما صارحتها بما هو فات...........
ما لاقتش في وشي غير بونيات
و اتقلبت ولا محمد علي كلاي
بوكس و عيني الشمال كانت في الباي باي
و اتقلبت ولا كرم جابر في اثينا
و العلقه اللي اخدتها كانت حديث المدينه
في الاخر نصحوني ولاد الحلال
و قالولي علي القسم شد الترحال
رحت اشتكيها للظابط من الخناقات
اتمسكنت عليه...و ليهم في المسكنه ملكات!!!!!!
ما نابني غير 8 علامات و كدمات
و مقاس جزمه 62 علي قفايا
ختم الجوده بالذات
جيت للدكتور يمكن علي ايده الشفا
قال لي: لو علي دراعك بسيطه بس القفا؟؟؟
مسكته بسرعه ...قلت له لأ اكتفي
و بسرعه عشان الواحد هيمرن عضلاته
لمراته و حماته
قاللي بس الدكتور مش موجود
راح يجبس ضلوعه بفقراته
الله يجازي مراته
هي سبب اصاباته!!!!!!!!!!!!!!!!!!! | |
|
